Abuzimi seksual i fëmijëve, mbrojtja ndërkombëtare dhe sistemi ligjor shqiptar

Ky artikull trajton një shkelje shumë serioze të të drejtave të njeriut, abuzimin seksual, të kryer kundër një kategorie të veçantë dhe të pambrojtur të shoqërisë sonë: fëmijët. Artikulli synon të trajtojë në mënyrë gjithëpërfshirëse fenomenin e abuzimit seksual të fëmijëve dhe pasojat e tij, si dhe masat e marra për ta parandaluar atë në nivel ndërkombëtar dhe në rendin juridik shqiptar. Kështu, paragrafi II ofron një përmbledhje të fenomenit, të dhënat e mbledhura dhe ekspertizën e psikologut në lidhje me pasojat e abuzimit seksual. Paragrafët e tjerë japin analizën e detajuar të masave ligjore dhe administrative të marra në nivel ndërkombëtar dhe shqiptar. Konkretisht, paragrafi III trajton dokumentet ndërkombëtare ekzistuese të cilat rregullojnë çështjen e abuzimit seksual të fëmijëve, ndërsa paragrafi IV ofron një përmbledhje të kornizës ligjore dhe institucionale shqiptare. Konkluzionet dhe rekomandimet e zhvilluara në paragrafin V ofrojnë analizën krahasuese të legjislacionit shqiptar me legjislacionin ndërkombëtar dhe përmbajnë rekomandime të posaçme për ndryshime ligjore.